புதன், 11 ஜனவரி, 2023

திக்ருகளின் பெயரால் அரங்கேறும் பித்அத்கள்

 




திக்ருகளின் பெயரால் அரங்கேறும் பித்அத்கள்

எதிர்வரும் பிப்ரவரி 5 ஆம் தேதி 2023 அன்று பித்அத் மற்றும் சமுதாய பாதுகாப்பு மாநாட்டை அறிவித்துள்ளோம். அதை மையப்படுத்தி மாதந்தோறும் ஒரு தலைப்பில் பித்அத் பற்றிய தலைப்பில் பிரச்சாரம் நடைபெற்று வருகின்றது. செப்டம்பர் மாதம் திக்ருகளின் பெயரால் அரங்கேறும் பித்அத்கள் என்ற தலைப்பில் பிரச்சாரம் செய்ய உள்ளோம் . இன்ஷா அல்லாஹ்.

திக்ருகளின் பெயரால் அரங்கேறும் பித்அத்கள்.
மனிதனையும் ஜின்களையும் என்னை வணங்குவதற்காக அன்றி படைக்க வில்லை. என்று இறைவன் கூறுகிறான். எனவே இஸ்லாமியர்களுக்கு இறையச்சத்தை ஏற்படுத்தக் கூடிய, அதிகமதிகம் நன்மைகளைப் பெற்றுத் தரக்கூடிய வணக்கங்களை இஸ்லாம் கற்றுத் தந்துள்ளது. அதில் ஒன்று தான் திக்ருகள்.

காலையில் எழுந்தவுடன் ஓதும் திக்ருகள், இரவில் படுக்கச் செல்லும் போது ஓதும் திக்ருகள், தொழுகைக்கு பிறகு ஓதும் திக்ருகள் என இவை போன்ற ஏராளமான திக்ருகள் நமக்கு கற்றுத் தரப்பட்டுள்ளது.

வார்த்தைகளில் குறைந்ததாகவும் நன்மைகளில் நிறைந்ததாகவும் அமைந்த திக்ருகளும் அதிகமதிகம் உள்ளன.

உமது மனதிற்குள் பணிவுடனும், அச்சத்துடனும் சொல்லில் உரத்த சப்தமின்றியும் உமது இறைவனைக் காலையிலும் மாலையிலும் நினைவு கூர்வீராக. அலட்சியும் செய்வோறுள் ஒருவராக ஆகிவிடாதீர் அல்குர்ஆன்: 7: 205

அவர்களின் விலாப் புறங்கள் படுக்கைகளை விட்டு விலகிவிடும். அவர்கள் அச்சத்துடனும் ஆவலுடனும் தமது இறைவனை பிரார்த்திப்பார்கள். அல்குர்ஆன்: 32:16

அவர்களே இறைநம்பிக்கை கொண்டவர்கள் அவர்களின் உள்ளங்கள் அல்லாஹ்வின் நினைவால் நிம்மதி அடைகின்றன. அறிந்து கொள்ளுங்கள் அல்லாஹ்வின் நினைவால் தான் உள்ளங்கள் நிம்மதி அடைகின்றன. அல்குர்ஆன் 13: 28

இவ்வாறு திக்ருகளை வலியுறுத்தக்கூடிய திருமறை வசனங்களும், நபிமொழிகளும் நிறைந்து காணப்படுகின்றன.

இத்தகைய திக்ருகளை அதிகமதிகம் ஓதுவதன் மூலம் அதிகமான நன்மைகளும் மனஅமைதி உள்ளிட்டவையும் நமக்கு கிடைக்கின்றது. எனவே அதிகமதிகம் இறைவனுக்கு திக்ரு செய்யக்கூடியவர்களாக நாம் மாற வேண்டும்.

ஆனால் திக்ருகள் என்ற பெயரில் திருமறைக் குர்ஆனும், நபியவர்களும் காட்டித்தராத பலவற்றை மக்கள் ஓதி வருகின்றனர்.

அவற்றில் சிலவற்றை உங்கள் பார்வைக்கு தருகிறோம்.

  • இருட்டு திக்ர் ஓதுதல்
  • ஹல்கா ஓதுதல்
  • ராத்திப் ஓதுதல்
  • ஹு ஹு. அஹ் அஹ் என்று அல்லாஹ்வின் பெயர்களை திரித்து திக்ரு ஓதுதல்.
  • ஸலவாத்துன் நாரியா ஓதுதல்.
  • தராவீஹ் தொழுகையின் ரக்அத்களுக்கிடையே ஓதப்படும் திக்ருகள்.
  • திருமணத்தின் போது மாப்பிள்ளையை அழைத்துச் செல்லும் போது ஓதப்படும் திக்ருகள்
  • திக்ருகள் ஓதும் போது ஆட்டம் போடுதல்.
  • திக்ருகள் ஓதிய பிறகு வழங்கப்படும் சீருணிகளில் பரக்கத் இருப்பதாக நினைப்பது.
  • தஸ்பீஹ் மணி வைத்து திக்ர் செய்தல்

இன்னும் இது போன்ற ஏராளமான பித்களை திக்ருகளின் பெயரால் மக்கள் அரங்கேற்றி வருகின்றனர். இவை அனைத்தும் வழிகேடாகும்.

பித்அத்கள் குறித்த நபிகளாரின் எச்சரிக்கைகள்:

அல்லாஹ்வின் தூதர் (ஸல்) அவர்கள் கூறினார்கள். நம்முடைய இந்த (மார்க்க) விவகாரத்தில் அதில் இல்லாததைப் புதிதாக எவன் உண்டாக்குகின்றானோ அவனுடைய அந்தப் புதுமை நிராகரிக்கப்படும்.
அறிவிப்பவர் : ஆயிஷா (ரலி) நூல்: புகாரி: 2697

அல்லாஹ்வின் தூதர் (ஸல்) அவர்கள் கூறினார்கள்: செய்திகளில் மிகவும் உண்மையானது அல்லாஹ்வுடைய வேதமாகும், நடைமுறையில் மிகவும் சிறந்தது முஹம்மது (ஸல்) அவர்களுடைய நடைமுறையாகும். செய்திகளில் மிகக் கெட்டது (மார்க்த்தின் பெயரால்) புதிதாக உருவானவையாகும், புதிதாக உருவாகக் கூடியவைகள் அனைத்தும் பித்அத் ஆகும். ஒவ்வொரு பித்அத்தும் வழிகேடாகும். ஒவ்வொரு வழிகேடும் நரகத்தில் கொண்டு சேர்க்கும்.
அறிவிப்பவர்: ஜாபிர்(ரலி) நூல் : நஸாயி 1560

நபி (ஸல்) அவர்கள் கூறினார்கள் : நான் உங்களை (மார்க்கம்) வெண்மையாக(தாக இருக்கும்) நிலையில் விட்டுச் செல்கின்றேன். அதனுடைய இரவும் பகலைப் போன்றதாகும். அழியக் கூடியவனைத் தவிர வேறு யாரும் எனக்குப் பிறகு அதை விட்டும் வழி தவற மாட்டார்கள்.
அறிவிப்பவர்: இர்பாள் பின் ஸாரியா (ரலி)
நூல்: அஹ்மத் 16519

நபி (ஸல்) அவர்கள் தனக்கு பின்னால் இந்த மார்க்கத்தில் இல்லாததை நிச்சயம் மக்கள் உருவாக்குவார்கள் என்றும் முன்னோர்களின் பாதையை பின்பற்றுவார்கள் என்றும் அவர்கள் குர்ஆன் ஹதீஸில் இல்லாத எதை செய்தாலும் அது மறுக்கப்படும் என்று எச்சரித்து அத்தகைய பித்அத் நரகில் கொண்டு சேர்க்கும் என்றும் எச்சரித்துள்ளார்கள்.

தவறான புரிதலின் அடிப்படையிலும் இவ்வாறு செய்வதற்கு அதிக நன்மை கிடைக்கும் என்று எண்ணியும் தான் திக்ருகள் தொடர்பான பித்அத்தான காரியங்களை மக்கள் செய்து வருகின்றனர். இது தவறாகும்.

எனவே மார்க்கம் நமக்குக் காட்டித் தந்த திக்ருகளை மட்டுமே ஓத வேண்டும். மார்க்கத்தில் இல்லாத பித்அத்களை விட்டொழிக்க வேண்டும். அதற்கு அல்லாஹ் அதற்கு உதவி செய்வானாக.

தொழுகையில் நடைபெறும் பித்அத்கள்


தொழுகையில் நடைபெறும் பித்அத்கள்

ஒரு முஸ்லிமிற்கு தொழுகை மிக அவசியமானதாகும்.

நம்பிக்கை கொண்டோருக்கு தொழுகை நேரம் குறிக்கப்பட்ட கடமையாக உள்ளது.

அல்குர்ஆன்: 04:103

அந்தத் தொழுகையை எவ்வாறு தொழ வேண்டுமென நபியவர்கள் நமக்கு தெளிவாக வழிகாட்டியுள்ளார்கள்.

என்னை எவ்வாறு தொழக் கண்டீர்களோ அவ்வாறே தொழுங்கள் என நபி (ஸல்) கூறினார்கள்.

அறிவிப்பவர்: மாலிக் இப்னு ஹூவைரிஸ் நூல்: புகாரி: 631

ஆனால் இன்றைய இஸ்லாமியர்கள் நபியவர்கள் காட்டித் தந்த தொழுகை முறைக்கு மாற்றமாக தங்களின் தொழுகை முறைகளை அமைத்துக் கொள்கின்றனர்.

இவை மார்க்கத்தில் இல்லாத பித்அத்கள் ஆகும். அவற்றில் சில பித்அத்களை உங்களுக்கு அறியத் தருகிறோம்.

தொழுகையில் நடைபெறும் பித்அத்கள்:

📌 தொழுகைக்கு முன் நிய்யத்தை அரபியில் வாயால் மொழிதல்.

📌 வெள்ளிக்கிழமை சுப்ஹ் தொழுகையில் குனூத் ஓதுதல்.

📌 ஜூம்ஆவிற்கு இரண்டு பாங்கு கூறுதல்.

📌 ஜூம்ஆவின் போது தமிழ், அரபி என இரண்டு பயான் செய்தல்.

📌 மிஃராஜ், பராஅத் முன்னிட்டு தொழப்படும் விசேஷ தொழுகைகள்.

📌 தஸ்பீஹ் தொழுகை தொழுதல்.

📌 தராவீஹ் என்ற பெயரில் 20 ரக்அத் தொழுதல்.

இது போன்ற பல பித்அத்தான நடைமுறைகளையும், நபியவர்கள் காட்டித்தராத பித்அத்தான தொழுகைகளையும் சிலர் நடைமுறைப் படுத்தி வருகின்றனர். இது பெரும் வழிகேடாகும்,

பித்அத்கள் குறித்த நபிகளாரின் எச்சரிக்கைகள்:

அல்லாஹ்வின் தூதர் (ஸல்) அவர்கள் கூறினார்கள். நம்முடைய இந்த (மார்க்க) விவகாரத்தில் அதில் இல்லாததைப் புதிதாக எவன் உண்டாக்குகின்றானோ அவனுடைய அந்தப் புதுமை நிராகரிக்கப்படும்.

அறிவிப்பவர் : ஆயிஷா (ரலி) நூல்: புகாரி: 2697

அல்லாஹ்வின் தூதர் (ஸல்) அவர்கள் கூறினார்கள்: செய்திகளில் மிகவும் உண்மையானது அல்லாஹ்வுடைய வேதமாகும், நடைமுறையில் மிகவும் சிறந்தது முஹம்மது (ஸல்) அவர்களுடைய நடைமுறையாகும். செய்திகளில் மிகக் கெட்டது (மார்க்த்தின் பெயரால்) புதிதாக உருவானவையாகும், புதிதாக உருவாகக் கூடியவைகள் அனைத்தும் பித்அத் ஆகும். ஒவ்வொரு பித்அத்தும் வழிகேடாகும். ஒவ்வொரு வழிகேடும் நரகத்தில் கொண்டு சேர்க்கும்.

அறிவிப்பவர்: ஜாபிர்(ரலி) நூல் : நஸாயி 1560

தவறான புரிதலின் அடிப்படையிலும் அதுவே மார்க்கம் என எண்ணியும் தான் தொழுகையில் பித்அத்தான காரியங்களை மக்கள் செய்து வருகின்றனர். இது தவறாகும். எனவே நபியவர்கள் நமக்குக் காட்டித் தந்த தொழுகைகளையும், தொழும் முறைகளையும் மட்டுமே நாம் கடைபிடித்து இஸ்லாத்தில் இல்லாத பித்அத்களை விட்டொழிக்க வேண்டும். அல்லாஹ் அதற்கு உதவி செய்வானாக.

திருமணத்தில் நடைபெறும் பித்அத்கள்


திருமணத்தில் நடைபெறும் பித்அத்கள்

மனித வாழ்க்கையில் மிக முக்கிய நிகழ்வு திருமணம். அத்திருமணம் குறித்த முழுமையான வழிகாட்டுதல்கள் இஸ்லாத்தில் உண்டு.

மணத் துணைகளை தேர்வு செய்தல், மணமக்களின் தகுதி, மணமக்களின் சம்மதம், மஹ்ர் முடிவு செய்தல், எளிமையான திருமணம், வலிமா என்று இவை போன்ற அனைத்து திருமண சட்டங்களையும் இஸ்லாம் நமக்கு எடுத்துரைக்கிறது.

அகிலத்துக்கு அருட்கொடையாக வந்த அண்ணல் நபி (ஸல்) அவர்கள் திருமணம் குறித்த அழகிய வழிமுறைகளை நமக்கு காட்டித் தந்துள்ளார்கள். அதை விட்டு விட்டு இஸ்லாத்தில் இல்லாத பித்அத்களையும், மூடநம்பிக்கைகளையும் , பிறமதக் கலச்சாரங்களையும் இஸ்லாமியர்கள் தங்களின் திருமண நிகழ்ச்சிகளில் அரங்கேற்றி வருகின்றனர்.

திருமணங்களில் நுழைந்து விட்ட பித்அத்களில் சிலவற்றை உங்களுக்கு அறியத் தருகிறோம்.

📌நிச்சயதார்த்த பாத்திஹா

📌பந்தக்கால் நடும் போது பாத்திஹா ஓதுதல்

📌திருமணத்திற்காக பால் கிதாப் பார்த்தல்

📌பத்திரிக்கையில் முபாரக்கான வேளையில் என்று போடுதல்

📌திருமணத்தின் போது பாத்திஹா ஓதுதல்

📌 கருகமணி போடுதல்

📌 கருகமணி போடும் போது பிஸ்மில்லாஹ் கூறுதல்

📌 கபில்த்து நிகாஹகா வ தஜ்வீஜஹா என ஈஜாப் கபூல் அரபியில் ஓதுதல்

📌அல்லிப் பைனஹுமா என்ற துஆவை ஓதுதல்

📌 மவ்லித் பாடல்களை படித்தல்.

📌 கூட்டு துஆ ஓதுதல்.

📌 மாலைப் பாத்திஹா ஓதுதல்

📌 திருமணத்திற்கு முந்தைய தினங்களில் மஜ்லிஸ்களை ஏற்படுத்துதல்.

இவை போன்ற ஏராளமான பித்அத்களை இஸ்லாமியர்கள் தங்கள் திருமணங்களில் அரங்கேற்றி வருகின்றனர். இவை அனைத்தும் வழிகேடாகும்.

அதிகாரம் அல்லாஹ்வுக்கே!

மார்க்கத்தில் ஒரு காரியத்தை முடிவு செய்யும் அதிகாரம் அல்லாஹ்விற்கே உண்டு. அவனன்றி வேறு யாருக்கும் அவ்வதிகாரமில்லை.

யாரேனும் இஸ்லாம் அல்லாத மார்க்கத்தை விரும்பினால் அது அவரிடமிருந்து ஏற்றுக் கொள்ளப்படமாட்டாது. மறுமையில் அவர் நஷ்டமடைந்தோரில் (ஒருவராக) இருப்பார்.

அல்குர்ஆன் 03.38

நீங்கள் அவனுக்கு உங்கள் மார்க்கத்தை கற்றுக் கொடுக்கிறீர்களா?

அல்குர்ஆன்: 49:16

திருமணச் சட்டங்கள் குறித்து அல்லாஹ்வும் அல்லாஹ்வின் தூதரும் நமக்குத் தெளிவாக வழிகாட்டி இருக்கும்போது இஸ்லாத்தில் இல்லாத புதுமைகளைச் செய்வது பெரும் வழிகேடாகும்.

பித்அத்கள் குறித்த நபிகளாரின் எச்சரிக்கைகள்:

அல்லாஹ்வின் தூதர் (ஸல்) அவர்கள் கூறினார்கள். நம்முடைய இந்த (மார்க்க) விவகாரத்தில் அதில் இல்லாததைப் புதிதாக எவன் உண்டாக்குகின்றானோ அவனுடைய அந்தப் புதுமை நிராகரிக்கப்படும்.

அறிவிப்பவர் : ஆயிஷா (ரலி) நூல்: புகாரி: 2697

அல்லாஹ்வின் தூதர் (ஸல்) அவர்கள் கூறினார்கள்: செய்திகளில் மிகவும் உண்மையானது அல்லாஹ்வுடைய வேதமாகும், நடைமுறையில் மிகவும் சிறந்தது முஹம்மது (ஸல்) அவர்களுடைய நடைமுறையாகும். செய்திகளில் மிகக் கெட்டது (மார்க்கத்தின் பெயரால்) புதிதாக உருவானவையாகும், புதிதாக உருவாகக் கூடியவைகள் அனைத்தும் பித்அத் ஆகும். ஒவ்வொரு பித்அத்தும் வழிகேடாகும். ஒவ்வொரு வழிகேடும் நரகத்தில் கொண்டு சேர்க்கும்.

அறிவிப்பவர்: ஜாபிர்(ரலி) நூல் : நஸாயி 1560

திருமணங்களில் பித்அத்தான காரியங்களைச் செய்வோர் இவற்றை மார்க்கம் சொல்கிறது என நம்பியே செய்து வருகின்றனர். இது தவறான புரிதலாகும். எனவே திருமணத்தின் பெயரால் அரங்கேறும் பித்அத்களை தவிர்த்து நபிகளார் காட்டித் தந்த முறையில் திருமணங்களை நாம் மேற்கொள்ள வேண்டும் . இறைவன் அதற்கு கிருபை செய்வானாக.

பித்அத் ஒழிப்பு மற்றும் சமுதாயப் பாதுகாப்பு மாநாடு

பித் அத் ஒழிப்பு மற்றும் சமுதாய பாதுகாப்பு மாநாடு. பிப்ரவரி 5 ல்....! அன்புடன் அழைக்கிறது, தமிழ்நாடு தவ்ஹீத் ஜமாஅத் #பித்அத்_ஒழிப்பு மற்றும் #சமுதாய_பாதுகாப்பு_மாநாடு | #TNTJ